Finals
"Kristel, napadaan ka?" kaswal na tanong sa kanya ni Silver.
"Uh... Balak ko sanang magpaturo sa'yo sa assignment namin na bukas pa lang ituturo sa amin pero may bisita ka pala kaya uhm..." nag-aalangan niyang sabi.
Kinagat ko ang aking ibabang labi. Bakit pakiramdam ko ay kasalanan ko pa na nandito ako ngayon sa bahay nina Silver kaya nag-aalangan siya?
Bago pa niya maduktungan ang kanyang sasabihin ay lumabas na si Tita Gold para siguro tingnan kung sino ang bisita at mukhang kilala niya rin ito nang sumilay ang ngiti niya.
"Oh, Kristel! Ikaw pala!" masayang sabi ni Tita Gold at inilapag sa coffee table ang dalang tray kung nasaan ang mga pagkain. "Tamang-tama! Magmemeryenda na kami. Dumito ka muna para makakain ka rin. Masarap itong niluto ko."
"Lagi naman pong masarap ang
