Umuuga ang pakiramdam ni Rebecca. Nasa laot ba siya? Dahan-dahan siyang nagdilat ng mga mata. Groggy man ang pakiramdam ngunit pinilit niyang aninagin ang paligid. Pamilyar ang kinaroroonan niya- ang interior at ang kabuuang ayos sa loob. Minsan na siyang napadpad dito. She was in a cabin, not just any cabin. Realization hit her. Sugurado siya, nasa yate siya ni Grant.
Lumukob ang kaba sa kanyang puso. Pati ang malalim na hinampo. Tumulo ang luha niya kasabay ng pagkuyom ng mga palad.
'Pinaglalaruan mo na naman ba ako, Grant?'
Hanggang kailan ba siya pahihirapan ng taong ito? Nakuha na nito't lahat ang gusto pero heto pa rin. Wala na itong ibang ginawa kundi pahirapan ang kalooban niya. Napaka-selfish ng lalaking ito, gaya ng nanay nito. Pinahid niya ang luha. Hindi dapat umiyak. Sawa n
