"Can you look for Oli?" Halos nakapikit na 'ko. "Sabihin mo... wag niya 'ko iuwi sa 'min.... Mom would be... mad.... Dalhin niya 'ko sa kanila."
"Nautusan pa nga." Nagawa pang magbiro ni Adam.
Bagsak na bagsak na ang talukap ko.
"Kai, ano tititig ka lang? Tulungan mo 'ko."
Naramdaman ko ang mga brasong umakap sa akin. Itim na ang nakikita ko; paalog-alog sa paningin ko ang dilim.
Sa sunod na pagmulat ko, parang may pumopokpok sa ulo ko. Ang sakit sa ilong ng sarili kong amoy; ang tapang.
"Ouch!" Minasahe ko ang sentido ko habang dahan-dahang umuupo. Sumandal ako sa headboard.
Napadilat ako nang malaki nang maramdaman ang lambot ng sinasandalan ko. Matigas ang headboard ni Oli. Napatingin ako sa malaking kamang inuupuan ko; pamilyar, pero hindi ito kina Oli.
Humagod ang lamig sa
