"Anong sinabi mo?" Halos lumuwa ang mga mata ko kasabay ng mariing pintig sa dibdib ko.
"Bro! Kairee!" Kumandong bigla si Adam kay Kai.
Tinulak siya ni Kai kaya napatayo ulit siya. Sagad ang tawa ng mokong nang mapatingin siya sa 'kin.
Nakasimangot lang ako. May tumawag doon sa lalakeng kumakausap kay Kairee kanina. Tinapik niya iyong braso ni Kai bago umalis nang nakangisi.
Meanwhile, parang may nagtatambol pa rin sa dibdib ko, hindi maalis sa isip iyong sinabi ni Kai.
"Kanina pa kita hinahanap. Sa'n ka galing?" Nagpalipat-lipat ang tingin ni Adam kay Kairee at sa akin. "Kanina pa kayo magkasama? Oh bro! Umisa--"
"Shut up, Adam." Umiling-iling si Kairee, mukhang nahiya sa tabas ng dila ni Adam.
"Lasing na lasing ka na, mukha ka ng sabog," asar ko sa mokong na nagpa-party.
"Ako? M
