Kinabitan na nga ng mga cctv camera ni Ferson ang bawat poste sa loob ng rancho lalo na ang lugar kung nasaan ang mga hayop kaya tuwang-tuwa si Mang Kanor dahil ngayon ay mababantayan niya na ng bente kwatro oras ang kanyang mga alaga.
“Mang Kanor, may natira pa hong ilang pirasong cctv saan ko pa ho kaya ito ikakabit?” ang tanong ni Ferson hawak pa nga ang mga sobrang cctv camera.
“Wala na bang dapat lagyan dito? Ang gusto ko tadtarin talaga ng camera ang buong paligid para walang takas ang mga kawatan na makakapal ang mukha,” sagot ni Mang Kanor na nakapamaywang pa na pinagmamasdan ang paligid.
“Marami na hong camera sa paligid. Bawat poste ho talaga ay nilagyan ko,” sabi naman ni Ferson na itinuro pa nga ang bawat poste na may nakalagay na camera.
“Kung ganun ay sa labas na lang ng
