Janice's POV
"I'm leaving."
Sarado ngayon ang gallery kaya naman wala akong trabaho. Hindi rin ako masyadong nakatulog kagabi dahil sa huling pinag-usapan namin ni Kiel, kaya heto, tinanghali ako ng gising. Nagising lang ako nang halikan ako sa pisngi ni Kiel para magpaalam na aalis na siya. Siyempre kahit galing siya sa dinner kagabi ay kailangan niya pa ring pumasok, hindi kagaya ko na puwedeng magpahinga lang ngayong araw.
Hinawakan ko siya sa may braso. "Have you eaten? Sorry, tinanghali ako." Babangon na sana ako pero pinigilan niya ako sa balikat.
"Its okay, take a rest. I'll see you later at Uncle's house."
"Pupunta ka?"
Tumango siya. "Yes, to tell him my proposal. Aren't you?"
Lalo kong nilubog ang ulo ko sa unan at pinagmasdan lang siya. Hindi ko pa alam kung paano tatanung
