“BAKIT wala kang guardian? Hindi puwedeng wala kang guardian.”
Nginitian ni Corrine si JC pagpasok niya sa kanyang suite. Okay na sana siya sa simpleng hospital room pero apo siya ng isa sa founders ng ospital kaya hindi raw siya puwedeng sa simpleng hospital room kahit na sasailalim siya sa isang simpleng surgery. Puwede rin naman siyang out-patient, kung tutuusin, pero mas pinili ni JC na i-admit siya.
“May mahalagang board meeting si Papa. Si Mama, nasa probinsiya para sa isang charity event. Si Sybilla, nasa Baltimore. Sina Emma at Billy, busy sa center dahil nga hindi ako makakapasok nang ilang araw.”
“There should be someone, Corrine,” sabi ni JC. “Hindi sa tinatakot kita pero it’s still a surgery. Anything could happen inside the OR. You need someone to lean on. Someone to hold y
