Pagkatapos ng pagsasanay namin na iyon, hinayaan kami ni Teacher Kalvin na maglibot-libot. Pinakain niya muna kami sa Mess Hall ng Blaire kasama siya at ang kanyang mga dating estudyante. Umabot kami ng hanggang alas tres sa kwentuhan namin, kaya nagpaalam na rin kaming tatlo na maglilibot na.
Marami pang oras upang maglibot at manood ng ibang games. Dahil sa event na 'to at sa pagbubukas ng amusement park dito sa campus, siguradong walang tulugan ang mga estudyante rito buong linggo.
At sa nakikita kong mga disenyo sa buong kapaligiran ng paaralan, mukhang mas magandang maglibot mamayang madilim na at bukas ang mga lampara na nagsilbing mga banderitas.
Naglakad-lakad kami hanggang sa makarating kami sa linya ng booths at food stalls. May mga upuan din karamihan sa tapat ng stalls para
