Third Person POV
ILANG ARAW nang walang matinong tulog si Krizsca; paulit-ulit na sumasagi sa isip niya ang sinabi ng Kuya Vander niya. Hindi siya makapaniwala sa alok nito. Parang ang "DOM" ng dating, yung tipong alok ng mga matandang binata na, yung mga huli na sa pag-ibig. Napakakawkward. Hindi niya alam kung paano irereact iyon. Ang bait-bait naman kasi nito, tapos biglang ganun? Napaisip tuloy siya kung may iba pang dahilan. Baka may hidden agenda? “Hay, ang gulo-gulo na isip ko,” bulong niya sa hangin.
"Beshy, tulaley ka naman. Lugaw moments?" tanong ni Anna. Nasa kwarto ni Krizsca sila, tinatapos ang mga presentations para sa susunod na linggo. Tapos na sila sa groupings project nila, pero may sumunod na binigay ang professor nila. Kaya ang ending, pagod na pagod silang tatlo.
