Nakaabot ako sa bahay ni Mrs. Terri at ngayon ay ipinapasyal ko nga si Terrivo. Napabuntong hininga ako. Isinuksok ko ang aking kamay sa loob ng aking suot na pantalon at tiningnan ang pera na ibinayad sa akin sa paglilinis ng kwadra.
Sa pagmamadali makaalis ay hindi ko na iyon nailagay sa loob ng aking bag.
May pasobra iyon at ang sabi ni Roberto ay natuwa raw sa akin ang amo niya. Sa pagbanggit ng salitang amo ang pumasok sa isip ko ay ang lalakeng iyon.
Si Sancho.
Ano ba at hindi ako nanlaban at pumalag? hindi ako sumigaw para makuha ko ang atensyon ni Roberto para sana natulungan ako, edi, sana, hindi nakadalawang halik ang lalakeng iyon sa akin.
"Hindi naman porke mayaman siya ay sige at pagbibigyan ko na lang! naku! kapag nagkita kami talaga ay sisingilin ko siya sa mga halik n
