CHAPTER 54
MALAKAS na sigaw ni Trina ang pumailinlang sa malaking kabahayan nina Kidlat. Sinisigaw ang pangalan ni Johan na nakita niyang nakahiga at walang malay sa may malaking sala pagkatapos nilang mag-usap ni Kidlat.
Agad niya itong nilapitang puno ng kaba ang dibdib at niyakap ng mahigpit si Johan.
Hindi niya alam ang siyang nangyari dito. Isang sigaw pa ang siyang pinakawalan niyang humihingi ng tulong.
"Tulungan niyo kami! Tulongg!" impit na sigaw ni Trina. Agad niya namang nakita ang dalawang katiwalang nagpatiunang pumunta sa gawi niya.
"Ano'ng nangyari?" tanong ni Manang Trining na agad siyang nilapitan at hinawakan si Johan sa mga bisig niya.
"Tulungan niyo ho, Nanang," pakiusap ni Trina rito. Tuluyang nagbagsakan ang butil ng luha sa mga mata ni Trina sa hindi malamang d
