CHAPTER 48
INIS ang naramdaman ni Nica nang umuwi siya sa hotel room nila. Basta na lamang kasi nagpaalam si Kidlat na bumalik ito sa hotel room nito kasama ang Trina na iyon.
Wala ang Mama Chandra niya nang pumasok siya sa room nila.
Napabuntong-hininga siya. Kasabay ang tanong sa sarili niya, kung kailan ba siya dadamayan ng nanay niya sa mga panahong kailangan niya ng makakasama. Gusto niyang magtampo rito, pero wala na siyang magagawa.
Ang Papa Tomas na lang niya ang karamay niya palagi. Mabuti pa ito, kaya nitong gawin ang mga bagay na nais niya. Alam niyang dito siya nagmana sa pagiging makasarili nito sa tunay nilang kaligayahan.
Hihintayin niya na lang itong makauwi para masabi rito ang tungkol sa pagiging sagabal ni Trina sa buhay nila ni Kidlat. Ayaw talaga nito mawala sa
