“Good day everyone. It’s me, Sue Denise Segovia. The most hated woman here in the Philippines as of now and for the past months...” Huminga nang malalim si Sue.
Parang binibiyak ang puso ko habang pinagmamasdan ang mukha niya sa video na ito. Nag-post siya ng apology video at usap-usapan iyon ngayon ng mga tao. Sinubukan kong pigilan ang sarili kong panuorin iyon pero hindi ko natiis. Parang may sariling buhay ang daliri ko at nagtungo sa profile niya para mapanuod iyon.
“I know how much all of you hated me because who wouldn’t right? Aminado naman ako na hindi talaga maganda ang ugali ko. Wala akong pakialam sa mga taong nakakasama at nakakatrabaho ko. I was being so careless of the words I’m saying to other people. Hindi manlang ako nakokonsensya na nakakasakit na pala ako ng damdami
