PAPASOK pa lang si Penelope sa gate ng boarding house ay sinalubong na siya ni Rina.
“Hoy, girl! Kanina pa naghihintay sa iyo si Mr. Guwapo!” nagtitiling sabi nito sa kanya. “Wala ka man lang pasabi na may boyfriend ka pala na mukhang artista!”
Huh? Nandito si Ulysses?
Nagmamadaling pumasok siya sa loob ng boarding house. Pagtapak niya sa sala ay hindi niya inaasahan ang bisitang dadatnan.
“Achilles? Anong ginagawa mo dito?” Ang akala niya kanina na tinutukoy ni Rina ay si Ulysses. Iyon pala ang kababata niya ang tinutukoy nito.
Paano kaya naisip ni Rina na boyfriend niya si Achilles? Hindi kaya iyon ang sinabi ng kababata niya sa board mate niya?
Naiiling na nilapitan niya ang kanyang kababata.
“Penelope! Mabuti naman at dumating ka na,” nakangiting bati nito sabay tayo ng makita
