Nagising si Marbert kinabukasan na tila ba kay bigat ng kan'yang ulo.
"Aah!" Ingit pa nito sabay sapo sa kan'yang noo.
"Marbert, anong nangyayari sa'yo?"
Naalimpungatan naman si Olive at agad na naupo sa kama.
"Ang sakit ng ulo ko."
"Dahil 'yan sa nainom mo kagabi. Kung bakit naman kasi kailangan mo pang magpakalasing."
"Sorry!"
"Sorry na naman? Minsan parang pakiramdam ko wala ng saysay ang salitang 'yan sa akin."
Puno ng sama ng loob na sabi ni Olive sa kan'yang asawa.
Akmang aalis ito sa kama nang hawakan ni Marbert ang kamay nito.
"Alam ko na pagod ka na sa kakaintindi sa akin. Pero heto ka pa din. Kasama ko."
"Alam mo ang sagot kung bakit hanggang ngayon ay nasa tabi mo Ako."
"Dahil mahal mo kami ni Andrew."
"At ayaw ko na magkawatak-watak tayo." Tumingin si Olove sa mga
