"Mamamasyal daw pero wala namang ibang ginawa kundi ang tumingin lang sa paligid" dinig kong pagpaparinig niya.
"Dimaano, kapag namamasyal ibig sabihin nun naglalakad, pumupunta sa ibang lugar"
Hindi ko siya pinansin.
Nakaupo kami ngayon dito sa isang parke na hindi kalayuan sa pinanggalingan namin. Narealize ko lang kasi na kapag mamamasyal kami ngayon ay paniguradong gagastos nanaman siya, bagay na ayokong mangyari. Syempre ay hindi ko iyon sinabi sa kanya.
"Balang araw bibili ako ng ganyang sasakyan" maya'y sabi niya habang nakatingin sa isang puting SUV.
Mula sa pwesto namin ay kitang kita ang mga dumadaan na sasakyan, maging ang mga tao na abala sa kanilang sariling buhay.
"Sigurado ka talagang gusto mo dito?" tanong niya.
Hindi ako nagsalita pero tumango ako.
"Maingay dito"
