Gabriela POV
Tahimik lang si Dom buong byahe, pero kung minsan ay nagkakatinginan kami sa rearview mirror. Kaya lang, agad din siyang umiiwas.
Pagdating namin sa tapat ng bahay ay agad na bumaba si Carlo sa kotse.
“Gabriela, you stay. I want to take you somewhere,” ani Dom. Iyon ang unang beses na kinausap niya ako mula kanina.
“Saan?” tanong ni Laura sa kanya.
“Mom, sa amin na lang iyon dalawa ni Gabriela.” Nasa tono ng boses niya na tila nairita siya sa pagtatanong ng mama niya.
“Gusto kong malaman saan kayo pupunta,” giit naman ni Laura.
“I’m going to take her to our new house. Are you satisfied now?!” sigaw niya sabay ng paghampas sa manibela ng kotse.
Sa sobrang pagkabigla ay napahawak si Laura sa dibdib niya at agad na paiyak. “Dom, anak, you’ve never talked to me like that,”
