"Hindi natin niyakap ang ating kasalanan, hindi natin hinalikan ang ating sumpa upang sa huli, ito'y ating unti-unting tatakasan."
~~
Ang biglaang pagbukas ng pinto ang nagpatigil sa buhol-buhol na nararamdaman ng dalaga. Nagkunwari itong nakatulog.
Hindi niya naramdaman na tumutulo na pala ang kanyang pawis sa kanyang mukha.
Tila nawaglit sa isip ng dalaga ang kanyang plano. Subalit kasabay ng paghinga niya ay ang pamilyar na kakilakilabot na presensya ang pumasok sa kanyang kwarto.
Alam na alam ni Vittoria kung kanino galing ang matigas na awrang iyon sapagkat sa kanya niya lamang nararamdaman ito. Sino pa nga kundi si Franco, ang doktor sa buong asilo at commander ng Sector 37.
Narinig niya ang pamilyar na tunog ng pagkandado ng pinto mula sa loob. Siguradong isinusi ito ni Fran
