Hindi ako nagsalita. Ayokong magsalita. Wala akong mabuong pangungusap o ni katiting na salita sa nangyari. Ano pa nga ba ang aking sasabihin gayong wala rin lang patutunguhan ang aking pagsigaw o pagmamakaawa.
Narinig ko ang pagbukas at pagsara ng isang pintuan at batid kong ito'y papunta sa banyo. Mabilis na lumabas ang mga tubig na kanina pa siguro namumuo mula sa aking mga mata. Masagana silang nagsihulog sa kama sa kaalamang wala na si Franco sa aking harapan upang masaksihan ang aking panghihina.
Marahil ay binuhusan nito ang pawis sa buo niyang katawan galing sa pagkapagod nitong ako'y walang hiyang gahasain habang nararamdaman ko ang bawat lagkit na iniwan ng kalapastanganan nito. Nais ko ng maligo. Kuskusin ang dumi sa aking katawan. Burahin ang paghawak niya sa buo kong
