Isang malalim na hininga ang kanyang muling pinakawalan kasabay ng pagpunas sa namumuong luha sa kanyang kanang mata bago pa ito tuluyang mahulog.
Wala na ba talagang pag-asang masilayan ang mundo sa labas ng mga bakal na nakapalibot dito.
Ano ang nasa labas ng gubat na ito?
Lumingon siya sa kanyang kaliwa upang ikubli ang mukha sa liwanag, tila ayaw nitong ipakita ang nanghihinang kalagayan niya kahit wala namang makakakita sa kanya kundi ang buwan lamang.
Isang lumang lampara sa kanyang kaliwa ang nakapatong sa isang hanggang baywang na kabinet na naglalaman ng kanyang mga saplot na pare-pareho. Mga panloob at puting pantulog na sa sobrang nipis ay malinaw na malinaw ang mga hubog ng kanyang katawan.
Walang silbi. Ngunit ano pa nga ba ang itatago niya?
Isang lumang suklay.
Nguni
