Chapter 18
Simula ng mawalan ng trabaho si Rupert ay napagkasunduan na muna nila ni Lilian na siya ang gagawa ng mga gawaing bahay hangga’t wala itong nahahanap na trabaho masukal man sa kalooban nito ay wala siyang magawa.
Dala marahil ng sitwasyon higit na naging bugnutin at mainitin ang ulo nito madalang na rin nitong makausap si Dianne at kung minsan nauuwi pa sa pagtatalo o tampuhan ang sandaling oras na paguusap nila.
“Wala ba talagang ibang paraan para makauwi ka?” pangungulit ni Dianne kay Rupert ng tumawag ito.
“Dianne para ka namang bata eh hindi ba ilang beses na kong nagpaliwanag sayo na kahit gustuhin kong umuwi ay hindi ko magawa alam mo naman na ilang buwan akong walang trabaho at naging taong bahay na lang ako dito,” naiiritang sagot ni Rupert na ikinabigla ni Dianne.
