Tacenda’s Point of View
“Bakit mo naman sinama si Sir dito?” bulong ni Lisa sa akin na siyang katabi ko sa kabila.
Bahagya kong ginilid ang ulo ko paharap sa kanya. Nagkunwari pa akong inayos ko ang buhok ko upang makapagsalita lang na hindi maririnig o hindi kaya ay mapapansin ni Sir Zad.
“Eh sumama e, anong magagawa ko?” sabi ko rito na ang naging tugon niya ay inirapan lamang ako.
Kasalukuyan kaming nasa canteen sa ground floor upang kumain ng lunch namin kasama si Mr. Augusto na hindi naman talaga dapat kasama. Kami-kami lang naman talaga dapat ngunit dahil wala na akong choice kung hindi isama ang CEO na ‘to, sinama ko na.
Dahil doon, sobrang tahimik tuloy ng table namin. Idagdag pa ang mga bawat empleyadong napapalingon sa amin dahil kay Mr. Augusto. CEO ang lalaking ‘to, ma
