"Sigurado ka bang magaling ka na, Letti?" Sinilip ko pa ang likuran n'ya kahit na wala naman akong makikita roon.
Pabirong tinampal ni Letticia ang kamay ko. "Oy, ilang buwan na ang nakalipas, Sabina. Okay na ako."
"Macky told me na malalim daw iyong naging sugat mo. Nagkaroon ng peklat pero hindi masyadong halata dahil maputi naman itong si Letti..." Si Gabriella.
"I'm fine, girls..." Umirap pa si Letticia.
Nagkibit ako ng mga balikat at naupo nang maayos. Nandito kami sa mansion, sa may gilid ng swimming pool. Nagkasundo ang dalawa na mag-swimming dito sa amin lalo na at weekends naman. Ilang buwan na rin naman ang lumipas mula nang mangyari ang shootout at ngayon lang nagkaroon ng oras ang dalawa kaya ito nga at napagkasunduan namin na sa halip na swimming lang ay mag-o-overnight na
