FRANCINE
Napadilat na lang ako nang maramdaman ko na gumagalaw ang paligid ko. Nagtataka ako kung asaan ako, napasilip ako sa labas ng bintana at wala akong nakikita kung hindi ang karagatan sa ilalim ng maliwanag na buwan.
Para akong nabuhusan ng malamig na tubig dahil hindi ko alam kung asaan na ba ako. Napatayo ako at lumabas, doon ko nakita si Axel na nakaupo lang at nasa malayo ang tingin.
“Axel?” tawag ko sa kaniya. Napatingin naman siya sa akin sabay napangiti.
“You’re awake, ayos ka lang? Hindi ka ba nahihilo o nasusuka?” tanong niya sa akin. Napahinga naman ako nang malalim sabay napaiwas ng tingin sa kaniya.
Napalunok naman ako nang makita ko siya, hindi ko alam pero parang mas nag-aapoy ang damdamin ko ngayon siguro gawa ng alak. Alam ko na dapat meron kaming pag-usapan
