Dali-dali akong napatakbo papunta sa kumpulan. At doon ko nakita si Nixon na nakaupo habang hawak-hawak ng mga team mates niya ang ulo niya.
Mas lalo akong kinabahan nang may tumulong dugo sa ilong niya. Anak ng! Agad akong lumapit sa kanila.
"Dalhin na yan sa clinic." Sabi ni Hans. Kitang-kita ko ang pag-aalala sa mukha niya.
"Nixon okay ka lang?" Tanong ko.
Tinitigan niya lang ako bago siya buhatin ng mga kasama niya papuntang clinic. Sumunod naman ako sa kanila papuntang clinic.
Mabilis naman siyang inasikaso ng nurse at inihanda ang kama na hihigaan. Tumulong ako sa pag-alalay kay Nixon pahiga sa kama ng clinic.
"Nurse, dumugo po yung ilong niya kanina." Sabi ko sa nurse.
Nginitian niya lang ako saka may kinuha na kung ano-ano sa side table niya. Tingnan ko ulit si Nixon na ngay
