Paglipas ng ilang sandali, kumuha siya ng lakas para hawakan muli ang cellphone. Ang kanyang mga daliri ay pa rin nangangatog — hindi pa rin siya tapos sa pag-iyak, ngunit kailangang gumawa siya ng paraan para mapakalma ang ina at kapatid.
Tinawagan niya muna si Harold, at agad itong sumagot.
"Ate! May balita ka na ba kay Papa?" tanong agad ni Harold na puno ng pag-asa sa boses.
"O-o, Harold.. Nakontak ko si Jharies kanina," simula niya, kinakabahan na baka mahulaan nito ang kanyang kinakatakutan.
"Sinabi niya na ayos lang si Papa — wala lang talagang signal sa lugar na pinuntahan nila. Si Jharies kasi, nasa siyudad lang saglit para sa ibang gawain, kaya nakausap ko siya at may signal sa syudad." Paliwanag pa niya.
Narinig niya ang buntong-hininga ng kapatid na parang nabunutan ng ti
