"Anong sabi mo, Dave? nasa hospital si mama Lydia?!" nanlaki pa ang mga matang tanong ni Hilda.
"Yes, inaatake siya sa kanyang sakit na high blood. Mabuti nalang at nadali ko pa siya kanina, kung na-late siguro sila ay tiyak na matuloyan ang mama niyo sa sakit nito." ang sabi ni Dave kay Hilda.
"Bakit hindi nila ako tinawagan at ipinaalam? karapatan kong malaman ang nangyari kay mama dahil anak din ako!" biglang nagalit na wika ni Hilda.
At bigla nitong naalala na nandito na ang kanyang ate at ito'y umuwi na galing sa ibang bansa. Kaya nasisiguro siyang ito ang nagdala sa kanilang ina at hindi siya pinapaalam nito dahil hanggang ngayon ay galit parin ito sa kanila ni Dave. Muling natigil si Hilda nang maisip na posibleng nagkita at nagkausap muli sina Dave at ang kanyang ate Helena!
