Sa ilang araw na pagtatago sa pagtatrabaho sa Hotel. Sinabi ni kuya na papasukin na raw ako sa klase dahil ilang weeks na akong absent. Napag-iwanan na ako sa dapat kong matutunan, lalo pa't malapit na ang exam.
Sa umagang iyan, mag-isa kong inaasikaso ang sarili para maghanda na sa pagpasok. Kabado ako nang makarating ng school. Hindi ko alam kung bakit nagsititigan sa akin ang bawat studyanteng nadaraanan ko.
Nakayuko lang ako at hindi na kayang tumunghay ng ulo. Pakiramdam ko tuloy alam nilang lahat na isa akong janitor sa isang Hotel nina Harris.
Minsan naririnig kong nagbubulongan ang mga studyante, ngunit mahina ito sa pandinig ko, kaya't habang naglalakad sa hallway napapakunot noo na lamang ako. Nagtatanong sa sarili kung anong mali sa akin? bakit ganito sila kung makatitig.
