Liam
HINDI talaga ako makapaniwalang bumalik na si KJ. Ang dating mabait at mahina na si KJ ay tila ibang-iba na siya ngayon. Gayunman, hindi ako natatakot sa kanya, kung hindi man ako nagtagumpay na maagaw sa kanya si Audrey, sisirain ko na lang sila. Hinding-hindi ako papayag na maging masaya sila. Kinuha ko ang bote nang alak at lumabas ako ng bahay. Tinungo ko ang swimming pool, hindi kasi ako makatulog. Nakita kong nakatayo si Daddy palakad-lakad habang may kausap ito sa cellphone.
“Hindi ako papayag na ang babaeng ‘yon ang sisira lang sa mga plano ko para sa anak ko—Mukha kasing baliw na baliw sa kanya ang anak ko, kaya kinailangan ko pang sirain ang pagtingin ni Liam sa babaeng iyon. Pinalabas kong inakit ako ni Audrey, at siyempre magaling akong umarte kaya naman paniwalang-paniw
