KJ
IKINABIT ko ang aking earphone nang makita kong tumatawag si Audrey.
“Bebe ko, na’san ka na ba? Kanina ka pa namin hinihintay,” tila naiinip na sabi nito sa kabilang linya.
“Malapit na ako, baby,” tugon ko.
“Ano ba kasing importanteng binili mo at hindi mo ako sinama? Hindi naman tungkol sa business ‘yan, eh. Baka nambababae ka na, ha. Saan ka ba kasi nagpunta?” Napahalakhak ako dahil hindi talaga niya maitago kapag nagseselos siya.
“Ten minutes na lang, baby, hintayin mo na lang, bye, love you.” Binabaan niya ako ng tawag nang hindi ko sinagot ang tanong niya, halatang galit. Hindi ko kasi masabi sa kanya na kinuha ko ang engagement ring na pinagawa ko pa. Gusto ko siyang sorpresahin. Pero kanina ko pa siya iniinis, sana lang ay ‘wag akong mabasted kapag nag-propose ako mamaya.
