Palaisipan talaga sa akin yung sinabi ni Leon.
Nagawan nila ng paraan na mag-post ng bail dahil wala namang isinampa na kaso ang mga Mariano sa akin. Agad akong inuwi ni Leon sa bahay nila sa Trinidad.
Para akong tumatayo sa nakaraan habang nakatingin doon. Gaano katagal na nga ba ang huling punta ko rito? The house remains the same. Pininturahan lamang na mas nagpaangat pa sa itsura nito pero hinding-hindi nito mababago ang pakiramdam ko tuwing tumatayo sa harapan nito.
Inakbayan ako ni Leon at nangingilid ang mga mata ko habang nakatingin sa kanya. "Nostalgic?" tanong niya sa akin.
Tumango ako sa kanya tsaka pinunasan ang mga hindi pa bumabagsak na luha. Ang dami naming alaala ni Leon dito. Dito ko siya unang nakilala, dito ko siya mas nakilala mabuti.
"Let's get in now." yaya
