Nikolas’s POV
NAGING palaisipan sa akin ang scar ni Chelsea sa kanyang puson. Baka naman nakuha niya sa isang aksidente o kaya naman noong time na dinukot siya. Sari-saring espekulasyon ang nasa utak ko. Pero ni isa ay wala akong mahanap na sagot.
Baka naman nag-o-over thinking lang ako. Ipinilig ko ang ulo ko para maalis ang mga negative na naiisip ko. Bakit ba ako nagdududa?
“Ano’ng iniisip mo?” Tanong sa akin ni Chelsea nang lumapit siya sa inuupuan kong silya. Napatingin ako sa kanya. Hinila ko siya kaya napaupo siya sa kandungan ko.
“Wala naman it’s about work. So many things to do,” pagsisinungaling ko.
Hindi ko maiwasang titigan siya. Naghahanap kasi ako ng ebidensya na nagsasabing totoo si Chelsea na nasa harapan ko at hindi peke.
“Bakit parang titig na titig ka sa mukha
