Saglit lamang akong nakatulog dahil nagising din ako pagdating namin sa rest house. Hindi pa ako nakababa ng sasakyan nang tumawag si Myrna sa akin.
"Bessy, ano ang nangyari?" bungad na tanong nito sa akin.
"Nangyari saan?"
"Viral ngayon ang panununtok ni Dexter kay Jeff. Ano ang nangyari?" nag-aalalang tanong nito.
Saglit akong tumingin kay Dexter bago ako bumaba ng sasakyan habang naiwan itong nakaupo pa rin sa harap ng manibela.
"Saka ko na lang i-kuwento sa'yo pag-uwi ko diyan. Naguguluhan na rin ako, hindi ko na alam ang gagawin," sabi ko kay Myrna nang makababa na ako ng sasakyan.
"Bessy, sabihin mo lang kung kailangan kitang sunduin diyan."
Humugot muna ako ng malalim na hininga bago sumagot dito.
"Huwag na, bessy. At isa pa gabi na, uuwi rin ako bukas."
"Sigurado ka? Nag-
