Kyle Joshua Cristobal’s POV
Mahimbing pa rin ang tulog ni Yssabelle sa bisig ko. Kanina pa ako nakatitig sa mala-anghel niyang mukha. Hindi talaga nakakasawang pagmasdan ang kagandahan niya, kaya naman baliw na baliw ako sa kanya… noon. Ang inosente niyang mukha ay tila pinapalambot ang matigas kong puso. Pero sa tuwing naaalala ko ang mga sinabi niya kay mommy noon, umuusbong ulit ang galit sa ‘kin.
Mas pinipili kong maging malupit sa kanya dahil, para sa ‘kin, ‘yun ang mas madaling paraan. Paano kung tanggapin ko siya ulit? Paano kung ibigay ko ulit ang buong tiwala ko sa kanya at basagin na naman niya ito sa huli? Hindi ko na yata kaya pang maranasan ang mga pinagdaanan ko noong naghiwalay kami. Baka mabaliw ako sa kakaisip kung sinu-sinong lalaki ang mga nakakasalamuha niya.
Biglan
