Ilang beses pang ikinurap-kurap ni Grezia ang kanyang mga mata habang matamang nakatitig sa mga mata ng kanyang nobyong may seryosong pagmumukha sa kanyang harapan. Magkaharap silang dalawa at kapwa sinisimulan na ang pagkain nila ng hapunan. Bago pa magtakipsilim ng araw na iyon ay nakatanggap siya ng tawag mula kay Jholo at sinasabing doon sa lugar na iyon sila magdi-dinner na dalawa. Tinatamad man at mabigat ang pakiramdam dahil sa kakulangan niya ng tulog ay nagpasya pa rin si Grezia na pumunta, naisip niyang matagal-tagal na rin naman ng huli silang naghapunan sa labas. Iyon ay noong anniversarry pa nilang dalawa at malapit na iyong mag-isang buwan. Pagkatapos na maligo ay simpleng damit lang ang isinuot ni Grezia, hindi na rin siya nag-abala pang maglagay ng makapal na kolorete sa ka
