"IS THAT true, Mom?" Hindi napigilang tanong ni Mia.
Nagulantang pa si Mariel at Dr. Valdez sa bigla niyang pagpakita sa mga ito. Nanginginig ang mga laman niya habang hinihintay ang isasagot ng mommy niya. Pati ang mga luha niya ay nanubig sa mga mata niya.
"Tell me, please! Is that true what I heard?" ulit niyang tanong.
Balisang tumayo si Mariel. Ni hindi malaman kung saan ito titingin. Hindi rin siya magawang sulyapan ni Dr. Valdez. Lalapitan siya ng ina ngunit napapaatras siyang dinamdam ang mga nalaman.
Hindi na niya namalayan ang pagdating ng daddy niya na nagtataka sa mga nangyayari. Napasilip pa sina Marta at Lora sa nakabukas na pinto.
"What's happening here?" maang na tanong ni Leehan.
Halos hindi na niya maaninag ang paligid niya dahil sa mga luhang bumasa sa mga mata
