Andito ako sa gym ngayon. Dito ko ipinasyang hintayin si Daphne. Nagpasa kasi ito ng project niya. Sabay kasi kaming uuwi ngayon dahil may kukunin pa kaming damit para sa photoshoot kung naka-sched bukas ng hapon. Ewan ko ba sa bruha na ‘yon sobrang tagal. Inip na inip na nga ako kakahintay sa kanya, e. Parang gusto ko na tuloy iwan. Sigurado magwawala ‘yon kung sakali. May mga naglalaro ng basketball ngayon dito sa gym pero hindi ako makapag focus manuod. Tila lumilipad ang isip ko kung saan.
Mayamaya’y napabuntong-hininga ako. Parang alam ko na naman ‘yong ganitong pakiramdam. Kaya ayaw ko talagang mag-isa, e. Nalulungkot ako lalo na kapag naaalala ko ang nangyari sa amin ni Drew. Haays…hindi ko maiwasang hindi mailing kasabay ng sakit na tila tumurok sa dibdib ko. Kailan kaya mawawala
