"Boss baka gusto mong lumangoy na tayo?" Nakangisi kong tanong.
Tumagilid naman siya at pinaglaruan 'yong buhangin. Isang araw na nakalipas matapos 'yong nangyari sa Flower farm nila. Kinaumagahan may dumating na nagbabantay doon at nagulat pa nung makita kami kaya tumawag sila sa resort para may magsundo sa amin. Nang makabalik kami sa resort puro kain at saka tulog ang ginawa namin para pambawi sa nangyari nung isang araw.
Ngayon andito kami sa pampang, nakaupo ako sa buhangin at nakahiga sa lap ko si Matteo. Buti na lang nga hindi ganon katirik 'yong araw ngayon. Swimming na swimming pa naman ako kaso ito namang si boss, ang daming alam. Ang arte niya na naman ngayon.
Napansin ko nga simula ng nangyari nung isang araw parang lalong bumait sa akin? Hindi na ako sinusungitan. Akala k
