***LAWRENCE'S POV***
NAKATAYO si Lawrence sa kung saan tanaw ang sinasabing lokasyon ng kweba. Lingid sa kaalaman ni Alexandra ay sinadya itong papuntahin ng ama sa Maynila. At habang wala sa Rancho Villaruiz si Alexandra ay bumuo sila ng plano ni Dylan.
Nagpadala si Dylan ng labin-limang tao sa Rancho Villaruiz. Lahat ng iyon ay puro lalaki at mga armado. Inatasan ang mga ito ni Dylan na pumunta sa dating lupain ng mga Alcantara. Ang pangunahing pakay ng mga ito ay suyurin o hanapin ang tamang daan tungo sa masukal na parteng iyon.
Sa oras na magtagumpay ang mga ito na marating ang masukal na lugar at matagpuan ang kweba ay dapat ipagbigay-alam ng mga ito. Subalit mariing ipinag-utos ni Dylan na sila-sila lang dapat ang makakaalam maging itong pagpunta ng mga tao sa bahaging iyon. Hind
