“Mama! Si kuya Rash oh!” matinis na sigaw ni Snow.
“Rash ano na naman ba yan?” sabi ko habang ipinaghahain sila ng almusal.
“Mama! May boyfriend na kasi si Snow!”
Napailing ako. Malakas pa rin talagang mang-asar 'tong si Rash.
“Tama na nga muna yan. Kumain muna kayo.”
Nagsitakbuhan naman sila at nagsiupo.
Medyo natagalan ako sa pagluluto ng breakfast nila dahil iba iba ang gusto nilang pagkain.
“Millet, pakibantayan yung mga bata. Tatawagin ko lang si Ice sa kwarto.”
“Opo Ma'am.”
Pinuntahan ko na si Ice sa kwarto at naabutan ko ang mokong na tulog na tulog pa.
Umupo ako sa kama at hinaplos ang buhok niya.
“Ice, bumangon ka na. May trabaho ka pa.” napatili ako nang hilahin niya ko at niyakap.
“Ice, baka hanapin na tayo ng mga bata.” napasimangot siya.
“Nagseselos na ko
