Zairus
Mahigit isang oras na akong naghihintay dito sa Park pero wala pa ring Briana ang lumilitaw. Wala pa rin siya hanggang sa tawagan na ako ni Ethan.
"Yes, Hello?" pagsagot ko sa tawag ni Ethan.
"Nasaan ka na, Bro? Ikaw na lang ang wala. Pupunta ka pa ba? May nangyari ba?" sunod-sunod niyang tanong sa akin.
"Medyo male-late lang ako ng dating pero pupunta ako. May inaasikaso lang ako," sagot ko.
"Ano naman 'yang inaasikaso mo? O mas tama bang itanong ko ay sino?" tanong niya sabay tawa.
"Malalaman mo rin mamaya," pabiro kong tugon.
"Maganda ba?" tanong niya pa ulit.
Bigla naman akong napaisip at sandaling natahimik. Maganda nga ba si iyakin?
"Hello, Pre? Nandiyan ka pa ba?"
"Huh?" Bigla naman akong natauhan ulit nang magsalita si Ethan mula sa kabilang linya.
"Bakit hindi ka
