Noah’s POV
Papunta ako kila Emerald bitbit ang isang plastic ng chocolate. At sigurado akong matutuwa siya dahil marami talaga akong kinuha mula sa dala ni Mommy. Ang plano ko sana ay tatawagan siya para lumabas ng bahay at saka namin kakainin ng sabay sa playground. Pero ganun na lamang ang pagkadismaya ko nang makita ko siyang kayakap ang amerikanong hilaw na si Harry. At ang mas kinagalit ko pa ay ang oras ng pag-uwi niya. Kahit ayoko siyang pag-isipan ng masama. Sino ba naman ang hindi magagalit kung ang mahal mong babae ay uuwi ng halos dis-oras na ng gabi at may kayakap pa na lalaki? At sino ba namang hindi mag-iisip ng masama kung wala naman siyang sinasabi sa akin?
Wala sa sarili akong umuwi sa amin. Bitbit ko pa rin ang chocolate na ibibigay ko sana sa kanya. Dere-derecho ak
