Noong gumaling na ang sakit ng katawan ko ay nag-umpisa na ang training ko. Hindi ko maiwasang mamangha dahil hindi lang pala simpleng kompanya ng mga bodyguards ang kompanya nila Zoriel.
Pumunta kami sa training camp nila. Doon ay maglalagi ako ng ilang araw hanggang sa matuto na akong lumaban. Kasama ko pa si Ingrid dahil hindi ko siya pwedeng iwanan. At isa pa, hindi naman siya pumapayag na iiwanan ko siya. Halos lahat ng puntahan ko ay andoon din siya. Kulang na lang pati sa banyo ay sumama rin siya sa akin.
Si Brix lamang ang kasama namin doon. Si Zoriel ay naiwan kasama ni Mayor para bantayan ito.
Lubos akong nasiyahan habang andito kami sa training camp. Para kasing nagbabakasyon lang kami. Isang maliit na isla iyon at ekslusibo lamang para sa mga empleyado ng kompanya nila Zori
