“Hindi ka ba talaga nagsasalita? Nakamaskara ka lang naman, mukha mo lang naman ang nakatakip hindi ang iyong bibig,” saad nito.
Napapapikit na lang ako nang mariin sa aking mata sa kakulitan nito. Kanina pa kasi ito sunod nang sunod at hindi talaga tumitigil hangga’t hindi nito naririnig ang boses ko. Mula pa kasi kanina ay hindi na ito umalis sa tabi ko at nakakairita na sapagkat hindi ko maasikaso ang mga client na maaaring bumili ng mga obra ko.
“Akalain mo iyon ikaw pala ang may-ari ng mga magagandang paintings na ‘yan! Kaya pala agad akong lumapit sa’yo at---”
“Hindi mo ba talaga ako titigilan?” naiiritang tanong ko na sa kaniya.
Awtomatiko namang sumilay ang gulat sa kaniyang mga mata nang madinig nito ang boses ko. Hindi na kasi ako nakatiis sa sobrang kakulitan nito.
Hindi k
