SINFUL CEOS SERIES: BOOK 5
PASSIONATE DECEPTION
Doukas Damarcus
Chapter 38
LAMPAS beinte kuwatro oras na mula nang madala sa ospital sa kabayanan si Chantara ngunit hanggang sa mga oras na iyon ay wala pa rin itong malay.
Sa ibaba ng matarik na talampas ay doon natagpuan ni Doukas si Chantara kasama niya si Mang Rodelio nang mahanap ito. Tadtad ng galos at sugat ang balat ni Chantara. Mag-uumaga na nang natunton nila ito sa kakahuyan at ganoon na lamang ang panggigipuspos ni Doukas nang matagpuan si Chantara sa ganoong sitwasyon.
Hanggang ngayon ay hindi niya magawang isipin ang sinapit nito nang nagdaang gabi. Naninikip ng husto ang dibdib niya. At sa tuwing tinitignan niya ang mga galos at sugat sa katawan ni Chantara ay pakiramdam ni Doukas ay ibig niyang pumatay at ilagay sa ka
