Kasalukuyan akong nakaharap sa malaking salamin sa aking kwarto, isa itong whole body mirror kaya naman kitang kita ang kabuuan ko.
Kakatapos lang akong ayusan ng mga professional make up artist na ipinadala ni Mommy.
Inikot ko pa ang aking sarili sa salamin habang hawak ko sa laylayan ang suot kong Off shoulder Red ball Gown. Maging ako ay namangha din sa aking itsura.
"Ako ba talaga to?" Namamangha na tanong ko sa sarili ko. Nang hindi masiyahan sa hitsura ko ay umikot ikot pa ulit ako.
"Napakaganda talaga ng alaga ko," narinig kong wika ni Yaya habang papalapit sa kinaroroonan ko. Mangiyak ngiyak na siya ng makalapit. Maingat na hinaplos ang pisngi ko.
"Si Yaya naman, wag ka.na pong umiyak. Sige ka po pag naiyak din ako malalagot tayo kay mommy pag nasira itong make up ko," wika
