Tahimik ang loob ng Jollibee nang pumasok sila. Kaunti na lang ang tao — halos puro estudyante at dalawang pamilyang pauwi na rin.
Pinili ni Lia ang mahabang sofa seat sa may pader. Malambot iyon at hindi masyadong daanan ng tao. Gusto niya ng tahimik. Gusto niya ng pahinga.
Habang si Gino naman ay nasa counter, tila hindi lang basta umo-order — parang bumibili ng handaan.
Pagbalik niya, dalawang tray ang dala niya. May kasunod pang crew na may isa pang tray.
Napatingin si Lia.
“Gino… fiesta ba?”
Ngunit bago pa siya makatawa, may lalaking biglang lumapit sa kanya.
“Hi Miss, can I join?”
Maayos ang suot. May tray rin. May kumpiyansa.
“Sorry, may kasama ako,” magalang na sagot ni Lia sabay turo sa likod nito.
Paglingon ng lalaki — nandoon si Gino. Nakatingin. Hindi nakangiti.
Tahi
