SPECIAL CHAPTER 2 – CAMILLE’S FIRST DAY AT SCHOOL
(A New Beginning)
Maagang-maaga pa lamang ay gising na ang buong bahay ng Montefalco.
Ang sikat ng araw ay marahang sumisilip sa bintana, nagbibigay ng mainit na liwanag sa kusina kung saan abala si Lia sa paghahanda ng almusal. Maingat niyang hinahain ang paboritong pagkain ni Camille—pancakes na may hugis puso at isang baso ng fresh milk.
Ngunit higit pa sa karaniwang umaga ang araw na ito.
Ito ang unang araw ni Camille sa school.
“Mommy! Daddy! Excited na ako!”
Ang masiglang boses ni Camille ay umalingawngaw sa buong bahay habang pababa siya ng hagdan, suot ang kanyang bagong school uniform. Maayos ang pagkakaplantsa nito, at ang maliit niyang sapatos ay kumikislap sa kalinisan.
Bitbit niya ang kanyang maliit na backpack na halos
