Lumipas ang mga araw at linggo matapos nilang malaman ang tungkol sa pagbubuntis ni Lia. Unti-unti nang nahahalata ang bahagyang paglaki ng kanyang tiyan. Hindi pa man gaanong malaki ay ramdam na niya ang mga pagbabago sa kanyang katawan.
Halos wala na rin siyang ginagawa sa bahay dahil ayaw siyang pagurin ni Gino. Pero ayon sa doktor, hindi rin naman pwedeng puro pahinga lang siya dahil kailangan pa rin niyang gumalaw kahit papaano.
Kaya tuwing umaga, madalas ay naggagarden si Lia sa harap ng bahay. Minsan naman ay tinutulungan niya si Aling Remy sa kusina—kahit simpleng paghihiwa ng gulay o pag-aayos ng mesa.
Hindi niya rin maiwasang mainip kapag mag-isa lang siya sa bahay.
Isang hapon, habang nagdidilig siya ng mga halaman sa hardin, may dumating na sasakyan sa tapat ng bahay.
Agad
