Isang linggo matapos mailibing si Lucas Allarde, nananatili pa ring mabigat ang pakiramdam ni Lia. Hindi pa rin tuluyang nagsi-sink in sa kanya ang pagkawala ng ama—isang ama na kahit hindi niya nakasama nang lubos, ay nag-iwan ng mga bagay na hindi niya inaasahan.
Sa gitna ng kanyang pagdadalamhati, isang tawag mula kay Atty. Dela Rosa ang nagbukas ng panibagong yugto.
Kailangan daw nilang dumalo sa opisina nito para sa pagbabasa ng huling habilin ni Lucas.
Dumating ang araw.
Tahimik ang loob ng sasakyan habang papunta sila sa law office. Nakatingin lang si Lia sa labas ng bintana, tila ba sinusubukang hanapin ang sarili sa mga dumadaang tanawin.
Mahigpit na hawak ni Gino ang kanyang kamay.
“Okay ka lang?” mahina nitong tanong.
Bahagyang tumango si Lia. “Hindi ko alam kung anong ma
